07 июля 2012 г.
РАЙОНТИ ытти ялсемпе танлаштарсан Шăнкăртамра вилекенсен шучĕ сахал. Çут тĕнчене килекен “çĕнĕ кайăксен” йышĕ вара ытларах. Демографи лару-тăрăвне тирпейлесе пынин сăлтавĕсенчен пĕри – ял халăхĕ пурнăçа юратни.
Пысăк ялта урамсен шучĕ чылай, хĕрĕхе яхăнах. Паян вĕсемпе çуран утса пыма та кăмăллă. Темиçе çул ĕнтĕ çынсем хăйсен умĕсенче тĕрлĕрен çеçке çитĕнтереççĕ. Çак кунсенче вырăнти администраци “Чечексен фестивалĕ” конкурса пĕтĕмлетнĕ, чи-чи лайăххисене вара ятран палăртса хăварнă. Киров, Тукай, Вахитов, Тухфетуллов, Ленин урамĕсенчи Махмутовсем, Салахутдиновсем, Валеевсем, Янешевсем, Айзатулловсем, Абдулвалеевсем, Салахутдиновсем хăйсем пурăнакан кил-тĕреш таврашне чечексемпе ытармалла мар капăрлатнă.