Публикации » Çитĕнÿпе таврăнчĕ

07 июля 2012 г.

Саранск хулине çамрăксен çуллахи спартакиадине Раççей Федерацийĕн 18 регионĕнчен пуçтарăнчĕç. Унта пирĕн районти Люляри К. Смирнова та пулчĕ, ирĕклĕ майпа кĕрешсе республика чысне хÿтĕлерĕ. Вăл 1998-1999 çулсенче çуралнă 52 килограмлă ачасемпе вăй виçрĕ. Пĕрремĕш вырăна тухса Раççей Федерацийĕн спорт министрĕ В. Мутко алă пуснă диплома, кубока çĕнсе илчĕ. Çак ятпа ăна район администрацийĕн пуçлăхĕ Н. Глухов саламларĕ. Çакăнта Чăваш Республикин тава тивĕçлĕ тренерĕн М. Зейнетдиновăн та тÿпи пысăк. Мевлет Хабибулловичăн ку миçемĕш çитĕнĕвне шутласа та кăлараймăн. Вăл Первомайскинчи вăтам шкулти 20, Пăлапуç Пашьелĕнчи вăтам шкулти 30 ытла ачана кĕрешÿ мелне алла илме явăçтарать.

А. ИВАНОВА.