11 июля 2012 г.
Раççей Правительствин ларăвĕнче Правительство Председателĕ Дмитрий Медведев палăртнă тăрăх – инвалидсемшĕн меллĕ хутлăх туса хурас, професси тĕлĕшпе хăйсен вырăнне тупмашкăн пĕрешкел майсемпе тивĕçтерес енĕпе çĕр-шывра тĕплĕн шухăшласа хатĕрленĕ политикăна тытса пыраççĕ, вĕсене ĕçпе тивĕçтерес программăна пурнăçлассине уйрăмах хаклаççĕ.
“Инвалидсене ĕçе вырнаçтарасси чылай регионта – çав шутра Архангельск, Чул хула, Тамбов... облаçĕсенче, Удмурт тата Чăваш республикисенче ăнăçлă пырать. Ку регионсенче тĕрĕссипе тĕрлĕ хаклав тăрăх – сусăрсен пĕтĕм йышĕн виççĕмĕш пайĕнчен тытăнса 60 проценчĕ таран ĕç тупаççĕ. Çакă чăннипех лайăх вĕт. Инвалидсен ятарлă ĕç вырăнĕсене тата вĕсене профессие вĕрентмелли уйрăм условисем туса хумалли программăна малашне те хавхалантармалла”, – тенĕ Дмитрий Медведев.
“Хыпар”.