Публикации » Полици сотрудникĕ çине алă çĕкленĕшĕн – уголовлă ĕç

21 июля 2012 г.

РАЙОНСЕМ хушшинчи следстви пайĕн аслă следователĕ А. Шульдяков хаçат редакцине пĕлтернĕ тăрăх, пĕр каçхине çур çĕр çитеспе полици сотрудникĕсем Патăрьелĕнчи тĕп больницăна эрех ĕçнине çирĕплетме хĕрĕнкĕ водителе илсе килнĕ. Çакă, паллах, хаяр шĕвекпе пуçĕ пăтрашăннă арçынна килĕшмен курăнать. Çакскер хăйне экспертиза тунă хыççăн шурă халатлисем умĕнчех тытнă та йĕрке хуралĕн ĕçченне пуçĕпе питĕнчен тăрăслаттарнă. РФ УК ăн 318 статйин 1 пайĕпе килĕшÿллĕн пуçтах влаç органĕнче ĕçлекене хирĕç тăрса преступлени тунăшăн уголовлă ĕç пуçарнă. Халĕ, акă, унăн суд сакки çине ларма та тивĕ.