Публикации » çУЛЛА çУНА ХАТĕРЛЕ

21 июля 2012 г.

Çуллахи шăрăх кунсем иртсе пыраççĕ. Часах хура кĕркуннепе сивĕ хĕл те çитĕç. Çавна май хальхи вăхăтра хуçалăхсенче, ĕне-сысна фермисенче выльăх-чĕрлехе хĕл каçарма тивĕçлĕ услови хатĕрлес шутпа тимлеççĕ. Нăрваш Шăхалĕнчи “Труд” хуçалăхра çанă тавăрсах ĕçлеççĕ. Сăмахран, халĕ ĕне ферминче юсав ĕçĕсем пыраççĕ. Вите стенисене шуратаççĕ, урайĕсенчи шăтăк-путăка питĕреççĕ. Ĕне тăракан вырăнсене кирлĕ пек тирпейленĕ. Выльăх-чĕрлĕх валли кирлĕ чухлĕ апат хатĕрлеме тăрăшни те савăнтарать. Пĕрремĕш хут çулнă курăкран 200 тонна ытла паха утă янтăланă. Унсăр пуçне пĕр çул ÿсекен курăксенчен 300 тонна сенаж хатĕрленĕ. Хĕле хатĕрленес ĕç çакăнпа çеç чарăнса тăмасть.Çывăх вăхăтра ишĕлекен тамбурсене çĕнĕрен хăпартма, клеткăсене çĕнетме, тырă хуракан кĕлетсене тасатса йĕркене кĕртме планланă.

И. КОШКИНА.