Публикации » Ĕç ветеранĕсен йышĕ ÿссех пырать

01 августа 2012 г.

РАЙОНТИ халăха социаллă хÿтлĕх паракан уйрăмра çав-çавах çын йышлă-ха. Клиентсенчен чылайăшĕ сулмаклă çулсенчисем. Урăхла каласан вăхăтĕнче ырми-канми тăрăшса та “Ĕç ветеранĕ” ята тивĕçейменнисем. Республика Пуçлăхĕ стажпа паракан çăмăллăха улшăну кĕртнĕ хыççăнах Юхмапа Пăла тăрăхĕнче те чылайăшĕ хыпăнса ÿкрĕç, кирлĕ хутсене хатĕрлеме пикенчĕç. Ку таранччен 900е яхăн пенсионер хисеплĕ ята ĕнентерекен удостоверение алла илнĕ. Çак ĕçе вăраха тăсакансем те пур-мĕн. Çакнашкаллисен вара документсене васкавлăрах хатĕрлемелле те соцработниксем патне пымалла. Унсăрăн юлнă ĕç çине юр та çума пултарать.