01 августа 2012 г.
ЫРАН Христос тĕнне тытса пыракансемшĕн паллă кун – Илен. Çак кун пуçласа çĕнĕ çĕрулми çинĕ. Маларах вара ăна çăвара илме юраман-мĕн, аçа çапма пултарать тенĕ. Ватăсен ĕненĕвĕсем тата та нумай. Акă, сăмахран, Иленре çумăр пулсан, ыраша каярах акмалла, е кĕркунне йĕпе çанталăкпа тарăхтарать, теççĕ. Çак кунччен маларах çĕнĕ çăкăр çисен, тырă перекетсĕр пулать. Шурсухалсен сăнавĕсене пурне те тÿрех ăша илеймĕн, çапах та ялти çĕр ĕçченне уйрăмах çамка çине картса хуни пĕрре те пăсмĕ.