Публикации » Саккунĕ кăра. Çапах хура ĕçрен пăрать

04 августа 2012 г.

ÇАК КУНСЕНЧЕ Патăрьелĕнчи мировай судья районти пĕр ял администраци пуçлăхне федераци саккуна сĕмсĕррĕн пăхăнманшăн 2000 тенкĕ штраф панă. Сăлтавĕ – коррупципе çыхăннă саккунлăха пурнăçа кĕртнĕ чухне уççăнлăх принципĕсене пăхăнманни. Тепĕр 13 кăлава пирки те йĕрке хуралçисен çитменлĕхсене пĕтерме представлени çырма тивнĕ. Вырăнта пурпĕрех сиксе ÿкмен, прокуратурăна палăртнă вăхăтра ăнлантару çыруне тăратман, асăрхаттарнă çитменлĕхсене пĕтермен. Саккунĕ вара пуçлăхсене те пуçран шăлмасть. РФ админстративлă право йĕркине пăсни çинчен калакан Кодексăн 17.7 статйипе килĕшÿллĕн, çичĕ ял тăрăх пуçлăхне каллех икшер пин тÿлеттернĕ.