Публикации » Çĕнĕ Ахпÿрте те Раççей Президенчĕн саламĕ çитнĕ

08 августа 2012 г.

ТĂВАН ÇĔР-ШЫВĂН Аслă вăрçипе çыхăннă хисеплĕ ветерансен, салтак арăмĕсен, тыл хастарĕсен çавра çуралнă кунĕсем ячĕпе Раççей Президентĕнчен килекен саламсем хушăнсах пыраççĕ. Хальхинче çак савăнăçа Çĕнĕ Ахпÿртре пурăнакан Е. Колпакова çемйипе унăн тăванĕсем пайланă. Елизавета Анисимовна шăп та лăп Иленре тăхăр теçетке тултарнă. Вуннăмĕш вунă çуллăха пуçланă кинемее юбилей ячĕпе райадминистраци пуçлăхĕн çумĕ В. Осипов, социаллă хÿтлĕх пайĕн ертÿçи Н.Никитина, вырăнти администраци пуçлăхĕ В.Тукмаков ăшшăн саламланă.

Кинемей ку таранччен утса тухнă кун-çулĕ çав тери пуян. Ултă ача амăшĕ вăхăтĕнче хуçалăхра ырми-канми тăрăшса чылай хисеплĕ наградăна тивĕçнĕ. Паян вара вăл 33 мăнукĕн савăнăçĕпе çунатланса çул хыççăн çул хыçа хăварать.