11 августа 2012 г.
Инçе çула тухакансене пурне те турă сыхлатăр. Анчах та тепĕр чухне усал вăй хăватлăрах та пулса тухать. Çак кунсенче, акă, Патăрьел вĕçĕнчи автозаправка çывăхĕнче сасартăках аслă çулпа пыракан “ГАЗель” автомашинăна (груз турттараканскере) вут хыпнă. Техника хуçи Каçал тăрăхĕнчи Урмаелĕнчен. Юрать-ха, çакна водитель вăхăтра сиссе ĕлкĕрнĕ, сÿнтерме меслет тупнă. Унсăрăн йăлтах çунса кĕлленĕн. Инкекре кабина юрăхсăра тухнă.
Ку таранччен Юхмапа Пăла тăрăхĕнче 23 пушар тухнă. Вĕсенчен “хурçă утпа” çыхăннă тĕслĕх – иккĕмĕш.