Публикации » “Мĕн пустуй çапăçмалла; Тус-юлташлă пулмалла!”

11 августа 2012 г.

Çак сăмахсене ачасене кĕçĕн классенчех пуçа илме хăнăхтараççĕ. Анчах чылайăшĕ ăна çилпе вĕçтерсе ярать. Мĕншĕн тетĕр-и; Ара, хăшĕ-пĕри çулсем иртнине пăхмасăрах сăлтавсăр пĕр-пĕрне кÿрентереççĕ, хирĕçеççĕ, юлашкинчен ыйтăва татса пама йĕрке хуралçисем патне çитеççĕ. Район прокурорĕн аслă пулăшуçи В. Путяков пĕлтернĕ тăрăх, кăçалхи çичĕ уйăхра çак сăлтавпа граждансенчен 15 çăхавпа ыйту кĕнĕ. Вĕсенчен пиллĕкĕшĕнне тивĕçтернĕ, административлă ĕç пуçарнă. Хальхинче Патăрьелĕнче пурăнакан Х. гражданин пирки тивĕçлĕ йышăну тума тивнĕ: 1000 тенкĕ штраф панă. Пĕр тăван аппăшĕпе шăллĕ тем сăлтавпа пахчарах хирĕçсе кайнă. Çакскерсем хăйсен вăрăм чĕлхисене чараймасăр пĕрне-пĕри чыса вараласси патнех çитнĕ.