Публикации » Мотоциклпа та çапса хăвараççĕ

11 августа 2012 г.

Мотоциклпа пулакан аварисен шучĕ ÿснине çине-çинех асăрхаттараççĕ пулин те чуна ыраттаракан тĕслĕхсем пулсах тăраççĕ. Акă, çак кунсенче Шăхачра пĕри 32 çулхи арçынна вилмеллех çапса хăварнă. Хăй вара йĕрне çухатас тĕллевпе-тĕр – тарнă. Аптрие михĕре тытаймастăн. Инкек пулнине курнă икĕ хĕр ача тÿрех пакунлисене шăнкăравланă. Лешсем вара çĕрĕпех преступник йĕрĕпе çÿренĕ. Усăсăр мар паллах. Оперативлă шырав ушкăнĕ ирхине çичĕ сехетре ăна тупса палăртнă. Кăçал çеç 11 класс пĕтернĕ каччăн водитель прави те пулман, мотоциклне те (1990 çултанпа) патшалăх органĕнче регистрацилемен иккен.