Публикации » Чи нумай вулакансем паллă

15 сентября 2012 г.

ÇУЛЛАХИ вăхăтра вĕренекенсем кĕнекесенчен ан ютшăнччăр, вĕсене вулаччăр тесе районти тĕп библиотекăра вăй хуракансем “Çулла, кĕнеке, эпĕ – юлташсем” вулав конкурсĕ йĕркеленĕ. Виçĕ уйăхра 283 ытла ача кунта килсе сукмак такăрлатнă, 55-шĕ пĕрремĕш хут çырăннă. Чи вăрăм каникул вĕçленнĕ хыççăн библиотекарьсем асăннă пуçарăва пĕтĕмлетнĕ. “Чи нумай кĕнеке вулакан” ята Патăрьелĕнчи пĕрремĕш вăтам шкулта 8-мĕш класри Д. Данилова çĕнсе илнĕ. Вăл 78 кĕнеке шĕкĕлченĕ. А. Кузнецова – “Юратнă писателе чи лайăх çыру çыракан”, А. Полякова – “Краеведени вулавĕн лидерĕ”, Д. Ижедерова – “Кĕнекене чи лайăх хак паракан” номинацисенче мала тухнă.