22 сентября 2012 г.
ЧĂВАШ Енте çулленех республика Пуçлăхĕн стипедине 20 вĕренекене пама палăртаççĕ. Кăçал çак чыса Алманчăри вăтам шкулти К. Горбунова та тивĕçнĕ. Кристина вĕренÿре лайăх паллăсемпе ĕлкĕрсе пырать, олимпиадăсемпе конкурссене, ăмăртусене хастар хутшăнать, дипломсемпе грамотăсем илме тивĕçет. Çавăн пекех Патăрьелĕнчи ача-пăча искусство шкулĕнче хăйĕн ÿкерÿ ăсталăхне аталантарать.
Пĕлтĕр çак чыса Патăрьелĕнчи 1-мĕш вăтам шкулта вĕренекен И. Федорова, виçĕм çул Аслă Чементи И. Мурзакаева илсе тăнă.