22 сентября 2012 г.
Вĕрентÿ тытăмне çĕнетсе улăштарас тĕллевпе 2012 çулхи сентябрĕн 1-мĕшĕ тĕлне 1-2 классенче вĕренекенсене тÿлевсĕр учебниксемпе 100 проценчĕпех, 3-4 классене вара 80 процент таран тивĕçтерме палăртнă. ЧР вĕрентÿ министерстви çак тĕллеве пурнăçланă: 136,4 млн тенкĕлĕх çĕнĕ кĕнекесем туяннă, вĕсемпе ачасене тивĕçтерме шкул библиотекисене салатса панă; ашшĕ-амăшĕ туянакан кĕнекесен пысăк пайне вĕренÿ çулĕ вĕçленнĕ май шкул библиотекине пама сĕнÿ тăратнă. Çавна май фондсем самай пуянланнă. Çакă бюджет укçине 20 млн тенке яхăн перекетлеме май панă. Ăна вĕрентÿ тытăмне çĕнетсе улăштарас тĕллевпе урăх çĕре янă.
Библиотека фондне вăтамран тăватă çулта пĕр хутчен çĕнетеççĕ. Çавăнпа та ачасене кашни вĕренÿ çулĕнчех çĕнĕ кĕнекесемпе тивĕçтереймеççĕ.