26 сентября 2012 г.
ÇУЛТАЛĂК пуçланнăранпа район администрацийĕн ЗАГС пайĕнче 331 ача çурални çинчен регистрациленĕ:161 – арçын ача, 170 – хĕр ача. Ашшĕ-амăшĕ пулас пăхаттирсене Матвей, Артем, Иван ятсене ытларах хурать. Чиперуксем хушшинче вара Дарья, Ксения, Виктория ятлисем ытларах.
Ял тăрăхĕсенчен чи нумай пепке Патăрьелĕнче (80) çут тĕнчене килнĕ, Шăнкăртамра – 64, Хирти Пикшикре – 15, Кĕçĕн Патăрьелĕнче – 13, Ыхра Çырминче – 10. 11 ял тăрăхĕнче вара кăçал çĕн “кайăк” пĕрре те хутшăнман.