03 октября 2012 г.
ВĂРĂ вăрлать те – хăварать, пушар веçех илсе каять, теççĕ халăхра. Вутра кил-çурт кĕле çаврăнни хуть хăш çемьешĕн те пысăк инкек. Анчах унтан никам та страхланман, çавăнпа асăрханулăха çухатмалла мар. Сентябрьте кăна районта тăватă хутчен çулăм сÿнтерме тивнĕ. Ку кăтарту пĕлтĕрхинчен икĕ хут нумайрах. “Хĕрлĕ автан” Патăрьелĕнче – икĕ, Анат Туçапа Пăлаçи Атăкра пĕрер хутчен ташланă. Вăй питти çыннăн пурнăçĕ вăхăтсăр татăлнă тĕслĕх те пур.
Пушарсем электричество проводисем кивелсе юрăхсăра тухнипе, кăмака юсавсăррипе тата сÿнтермен пируса пула тухнине пĕлтерчĕç.