Публикации » Эрех-сăра – сывлăхшăн тăшман

03 октября 2012 г.

Тăтăшах эрех-сăра ĕçсе ашкăнни çамрăклах ватă çынсен шутне кĕресси, юлашкинчен пурнăçран вăхăтсăр уйрăлса каясси патне илсе çитерет. Çак чăнлăха та, çавăн пекех алкоголь хăрушă наркăмăш пулса тăнине те пурнăç тахçанах çирĕплетсе панă. Алкоголизм тыткăнĕнчен хăтăлма пултарайман арçынсем ĕçе-ĕçе вилнине çулсем тăрăх тишкерсе тухса çакна палăртнă: вĕсенчен чылайăшĕ пурнăçăн чи лайăх тапхăрĕнче (50 çула çитиччен) вилсе выртнă. Вилĕм сăлтавĕсем хушшинче пĕрремĕш вырăнта пурнăç интересне çухатнă çамрăксем хăйсене вĕлерни, сарăмсăр кун-çулне татни. Иккĕмĕшĕнче – тĕрлĕ чир. Ученăйсем хăйсен тĕпчев ĕçĕсенче çакна та палăртаççĕ: сăнаса пурăннă алкоголиксен 20 проценчĕ ÿсĕрле тĕрлĕ инкеке лекнине пула, 20 проценчĕ – чĕре ĕçлеме пăрахнипе, 9 проценчĕ – усал шыçă чирĕсемпе вăхăтсăр вилнĕ.

Т. ЯКОВЛЕВА.