06 октября 2012 г.
Патăрьелĕнчи тĕп больницăра аслă пĕлÿллĕ тухтăрсем нумайлансах пыраççĕ. Çакна шута илсе кунта чи маттурисене палăртса малалла аталанма пулăшас, яш-кĕрĕм интересĕсене хÿтĕлес, вĕсене районта тата республикăра çамрăксем хушшинче ирттерекен обществăлла ĕçсене хутшăнтарас тĕллевпе Çамрăксен канашне йĕркелерĕç. Ăна ертсе пыма Н. Секретов врач – стоматолога, унăн çумĕ пулма Т. Острякова анестезиолог-реаниматолога суйларĕç.
Пĕрремĕш канашлура вĕрентÿ па-йĕнчи çамрăксемпе ĕçлекен центрăн директорĕ А. Адикина районти тата республикăри Çамрăксен канашĕсен ĕçĕ-хĕлĕпе паллаштарчĕ, пултаруллă хĕрсемпе каччăсене мĕнлерех хавхалантарнине каларĕ, умри тĕллевсемпе, малашне еплерех ĕçлемелли пирки пĕлтерчĕ.
А. АНТОНОВА,