Публикации » Патăрьелсем Улатăр епархине кĕрĕç

10 октября 2012 г.

СОВЕТ саманинче Юхмапа Пăла тăрăхĕнче ĕçлекен чиркÿ пĕр Тăрăнта кăна пурччĕ. Уççăнлăх ĕмĕрне кĕнĕ хыççăн ĕлĕк кĕлĕ çурчĕллĕ ялсенче çĕнĕрен чĕрĕлсе тăчĕç. Çак тĕлĕшпе кая юлса пурăннă Çĕнĕ Ахпÿртре те пăр вырăнтан тапранчĕ – кунта та халĕ пикенсех никĕс ярас пирки ĕштеленеççĕ. Мухтав çÿлти Аттемĕре, православи тĕнне ĕненекенсемпе унăн йăли-йĕркине тытса пыракансен шучĕ ÿссех пырать. Ку пирĕн енче кăна мар, республикипех çапла – прихут çумне прихут хутшăнать. Çакна шута илсе Шупашкар-Чăваш епархинчен Чăваш митрополийĕ туса хума йышăннă. Унăн йышĕнче вара пĕрре вырăнне виçĕ тытăм йĕркеленет: Шупашкар, Канаш–Тăвай тата Улатăр. Пире, анатра вырнаçнă пилĕк района, вырăссен авалхи хули ячĕллĕ епархине кĕртнĕ. Унăн пуçлăхĕ те паллă–Феодор иеремонах. Сăмах май, вăл 1960 çулта Германинче çуралнă.