13 октября 2012 г.
ОКТЯБРĔН 9-мĕшĕнче, каçхине сакăр-тăхăр сехетсенче республика çулĕсем çинче виçĕ авари пулнă. Вĕсенчен пĕри – Юхмапа Пăла тăрăхĕнче. Халăхра та синкерлĕ тесе хак паракан Тăрăн тата Кĕçĕн Патăрьел хушшинче çул хĕресленнĕ вырăнта çăмăл автомашинăпа пыракан ÿсĕр водитель хурçă “утăн” рульне парăнтарайман, хирĕçле йĕр çине тухса кайса КамАЗпа çапăннă. Телее, инкек синкерлех вĕçленмен, аманнисене çийĕнчех больницăна илсе кайнă.
Кĕрхи кунсем чылай чухне йĕпе-сапаллă, каçĕсем тĕттĕм пулаççĕ. Çавăнпа та питех те асăрханма тивет.