Публикации » Чăвашлăха ăша хываççĕ

17 октября 2012 г.

ÇАК кунсенче районти чăваш чĕлхипе литературине вĕрентекен уйрăм хастарсем инçе çула кĕскетсе Йĕпреçе çитсе килнĕ. Çул çÿревĕн тĕп тĕллевĕ – уçă пĕлĕт айĕнче вырăн тупнă этнографи кĕтесĕпе паллашасси. Чăваш Енри ытти музейсенчен вăл самай уйрăлса тăрать. Лаптăкĕпе чылай пысăк – пĕр гектар çурă! Учительсемшĕн курмалли, ăша илмелли пайтах пулнă. Кунта, тĕпрен илсен, ХIХ тата ХХ ĕмĕрсенчи чăваш кил-çурт таврашне, çурт ăш-чиккине, мăн асатте-асаннесем усă курнă ĕç хатĕрĕсемпе çи-пуçа сăнласа кăтартнă. Йăх-несĕлĕмĕрсен авалхи пурнăçĕн паллисене куçпа курса ăша хывни чăвашлăха тытса пыма вĕрентекенсемшĕн пушшех те усăллă.