20 октября 2012 г.
Патăрьелĕнчи иккĕмĕш вăтам шкулта ачасен сывлăхне çирĕплетес тĕллевпе тĕрлĕ кружок (“Çамрăк футболист”, “Çамрăк волейболист”, “Çамрăк баскетболист”, “Ритмика”) йĕркеленĕ. Вĕсемсĕр пуçне спорт ăмăртăвĕсем ирттерни те вырăнлă. Ку хутĕнче уроксем хыççăн эстафетăра чупрĕç.
Классенчи ăмăрту пĕр-пĕрин хушшинче кам вăйлăрах чупассине палăртма май пачĕ. 5-7-мĕшсенчен А. Арланова, Е. Семенова, Т. Николаева, А. Шаймин, В. Долгов, Л. Никитин çĕнтерÿçĕсем пулчĕç. Вĕсем юлташĕсенчен малтан мала талпăнса финиша кĕчĕç, хисеплĕ ята тивĕçрĕç.
8-9 классем хушшинче Я. Васюткина, К. Каллина, Т. Пушкина, С. Быков, Н. Михайлов, А. Смирнов дипломлă пулчĕç.
Аслисенчен Т. Арланова, А. Артемьева, Н. Алексеева, А. Аппакова малти вырăнсене тухма пултарчĕç. Арçын ачасенчен финиш йĕрне С. Марков касрĕ. Ун хыççăн С. Горбуновпа Д. Семенов çитрĕç.
В. АНТИПОВ.