24 октября 2012 г.
РЕСПУБЛИКĂРИ следстви комитетĕнчен пĕлтернĕ тăрăх, пирĕн республикăра ачасене хирĕç тунă преступленисен шучĕ икĕ хут ÿснĕ. Çакă, паллах, пăшăрхантарать. Енчен те пĕлтĕр следстви управленийĕ тĕпченĕ ĕçсенче 40 ача шар курнă пулсан, кăçал 100 ытла та. Ведомство кăтартăвĕсем тăрăх, çул çитменнисене хурахла тапăнса, хăратса укçа ыйтнă тĕслĕх нумай. Унсăр пуçне ашшĕ-амăшĕ ачисене асаплантарнипе çыхăннă ĕçсене те шута илнĕ. Çавна май Чăваш Енри следстви комитечĕн следстви управленийĕ “Ача – хăрушлăхра” хĕрÿ лини йĕркеленĕ: 45-23-99. Ку таранччен Юхмапа Пăла тăрăхĕнче çакнашкал усал тĕслĕх пулман, анчах иккĕленÿ пуррисен çийĕнчех çак номерпе шăнкăравласа яма пултараççĕ.