Публикации » Тутар Сăкăтсен Курбан-Байрам умĕнхи пысăк савăнăçĕ

27 октября 2012 г.

ЮХМАПА Пăла тăрăхĕнче кашни çул тенĕ пекех çĕнĕ вĕренÿ учрежденийĕсен алăкĕсем шăпăрлансемпе аслисемшĕн яриех уçăлаççĕ. Виçĕ уйăхра районта умлă-хыçлă, Патăрьелпе Шăнкăртамра, хăтлă ача сачĕсем хута кайрĕç. Кун пекки республикăра чăннипех те çук. Çак кунсенче вара Тутар Сăкăтсем те малтанхи савăнăçа пĕрле пайланă. Ырă кăмăллăхпа çыхăннă Курбан-Байрам праçникĕ умĕн район администрацийĕн пуçлăхĕ Н. Глухов, мăсăльмансен Чăваш Республикинчи тĕн управленийĕн аппарат ертÿçи Н. Хасянов, вырăнти ял пуçлăхĕпе шкул директорĕ Н. Хасяновпа Х. Сабитов, “Булат” строительство организацийĕн ертÿçи Р. Абдулвалеев çавра сĕтел тавра пухăнса çĕнĕ шкулăн проектне сÿтсе явнă. Апла пулсан тепĕр капăр шкул çĕкленес пирки пăр тапраннă тесе çирĕплетсех калама пулать.