03 ноября 2012 г.
Çĕр-шыври нумай событисемпе уявсем чиркÿ календарĕпе çыхăннă. Вĕсенчен пĕри–ноябрĕн 4-мĕшĕнче уявлакан Турă Амăшĕн Хусанти турăшне асăнса кĕл тумалли кун.
Турă Амăшĕ хута кĕнипе Мускавпа Раççее поляксенчен хăтарнă. Унтанпа 400 çул çитет. Çак куна асăнса таса чиркÿ кашни çулах Турă Амăшĕн Хусанти турăшне хисеплесе уявлать. Унăн пĕлтерĕшĕ халĕ тата та ытларах ÿсрĕ. Вăл халăх туслăхĕпе пĕрлĕхĕн уявĕ пулса тăчĕ.
1636 çулта Мускаври Кремль çумĕнче Турă Амăшĕн Хусанти турăшĕ ячĕпе Пожарский князь хăй укçипе Хусан соборĕ туса лартать. Вара Турă Амăшĕн Хусанти турăшне унта вырнаçтараççĕ. Халăх çав хăватлă турăша “Тăрăшса хута кĕрекен” тесе ят панă. (Ун пирки тĕплĕнрех çитес номерте паллаштарăпăр).