Публикации » Вилĕмпе сутă тăвас марччĕ!

14 ноября 2012 г.

ĂС-ТĂНĔПЕ, шухăшĕпе çирĕпленсе çитмен çамрăк усал çул çине тăма пултарать. Çавăнпа та чипер те тĕреклĕ каччăсемпе хĕрсем пуçа арпаштаракан, сывлăха хавшатакан, сусăр туса хăваракан хăрушă наркотикпа ан явăçчăр тесе районта вăхăтран-вăхăта ятарлă акцисем йĕркелеççĕ. Хальхинче вăл ноябрĕн 12 – 23-мĕшĕсенче “Скажи, где торгуют смертью;” ятпа иртĕ. Çак тапхăрта йĕрке хуралĕн сотрудникĕсем вĕрентÿ учрежденийĕсенче пулса вилĕмпе çыхăннă “усал эмел” хăрушлăхĕ пирки çивĕч калаçусем ирттерĕç. Куç ан ÿктĕрех те, ку таранччен пирĕн районта “чан” çапмалли сăлтав пулман. Çапах та çакă лăпланса лармалли ан пултăр. Иккĕленÿллĕ самантсене асăрхасанах пĕр тăхтамасăр полици сотрудникĕсене систермелле.