14 ноября 2012 г.
ИРТНĔ шăмат кун Анат Туçасем ялти пуçламăш шкул – ача сачĕн спорт залне пуçтарăннă. Вĕсем хушшинче ачасем çеç мар, вăй питти çамрăксем те, çулланнисем те пулнă. Тĕллевĕ пĕрре: сывă пурнăç йĕркипе çыхăннă акцие хутшăнса район тата ял тăрăх депутачĕсен – Петр Перепелкинпа Валерий Кузнецов – парнисене çĕнсе илессишĕн волейбол турнирĕнче хăйсен ăсталăхне кăтартасси. Тĕп тÿри те айккинчи çын мар, Сергей Сурков “халăх тарçиех”.
Ăмăрту хаваслă та, çивĕч те иртнĕ. Куракансем çĕнтернĕ кашни мечĕкшĕн тăвăллăн алă çупса хавхалантарнă. Халăхăн шаннă çыннисем вăйăра пысăк хастарлăх кăтартнă çамрăксене икĕ комплект спорт тумĕ тăхăнтартнă.