Публикации » Светлана Степанова – чи лайăх анне

28 ноября 2012 г.

ПЕРВОМАЙСКИНЧИ культура аталанăвĕпе библиотека тивĕçтерĕвĕн центрĕ Аннесен кунĕнче вăрах вăхăт хушши хаваслă шавпа кĕрлесе тăнă. Çакăн валли сăлтавĕ те çук мар. Культура вучахĕнче пире чун панă юратнă çыннăмăрсене халалласа “Чи лайăх анне – 2012” шоу-конкурс йĕркеленĕ. Сцена çине поселение кĕрекен кашни ялтанах чи пултаруллă та кăтартуллă, матур та сатур хĕрарăмсем хăпарнă. Ача амăшĕсене кăмăллă уявпа ял кăлави В. Секретов, культура учрежденийĕн директорĕ Р. Ефимова, хĕрарăмсен канашĕн членĕ В. Дикина чи ăшă сăмахсемпе саламланă хыççăн чăн-чăн тупăшу пуçланнă. Тĕрлĕ енлĕ тĕрĕсленĕ чиперккесене. Хисеплĕ тÿресем Первомайскинчи виçĕ ача амăшĕ Светлана Степанова пуринчен те пултаруллăраххи тесе йышăннă.