Публикации » Район чысне кăтартуллă хỹтĕленĕ

18 мая 2013 г.

ТĔНЧЕРИ çемье кунĕнче Патăрьелĕнчи "Паттăр" стадионта шкул ачисем хушшинче Республика Пуçлăхĕн Кубокне çĕнсе илессишĕн кăнтăр районĕсем хушшинчи (зонăри) ăмăрту иртнĕ. "Президент тупăшăвĕнче" çамрăк спортсменсем 300 тата 1000 метра чупассипе, вырăнтан вăрăмăшне сикессипе тата ытти енĕпе тупăшнă. Хальхинче пирĕн район чысне Первомайскинчи Митта Ваçлейĕ ячĕллĕ шкулти В. Никитин физкультура учителĕ хатĕрленĕ ачасем хỹтĕленĕ. Специалист çамрăксемпе чуна парса тăрăшни куç умĕнче. Пирĕн команда чи нумай очко пуçтарса пĕрремĕш вырăна çĕнсе илнĕ. Çакна та палăртса хăвармалла: темиçе çул каялла Валерий Николаевич ертсе пыракан спортсменсем Анапăра Раççей шайĕнче иртнĕ ăмăртуран та начар мар кăтартупа таврăннăччĕ.

Источник: "Авангард" (газета Батыревского района)