Публикации » Суя ялан çур пурнăç пулаймĕ

22 мая 2013 г.

 ÇЫН аллипе кăвар туртакансем нихăçан та ĕç-пуç мĕнле вĕçленесси пирки шутламаççĕ-тĕр. Явсан-явсан вара вĕренĕн те вĕçĕ пулатех. Çак кунсенче йĕрке хуралçисем пĕр пуçтах пирки уголовлă ĕç пуçарнă. Вăл вара шăпах ултавпа çыхăннă: кредитпа таварсем туянас тĕллевпе "пĕр усламçă патĕнче ĕçлесе самай пысăк укçа илеп" тесе хут тутарнă. Хаклă япаласене "Лидер" магазинтан илсе те ĕлкĕрнĕ. Анчах савăнăçĕ вăраха тăсăлман. Суйни çур пурнăç пулайман... пакунлисен аллине çакланнă. Район прокуратуринчен пĕлтернĕ тăрăх, нумай пулмасть район сучĕ Сăкăтри тепĕр ултавçă пирки те йышăну кăларнă, ĕçлесе юсанмалла тунă. Вăл та çак меслетпех кĕсье телефонĕ туяннă.

Источник: "Авангард" (газета Батыревского района)