Публикации » Инкекре арçын чыхăнса вилнĕ

25 мая 2013 г.

 КĂÇАЛ Упамсасене иккĕмĕш хут пушар сехрисене хăпартнă. Хальхинче инкек пурлăха çеç сиен кỹмен, вут-кăвар серепинче 48 çулти вăй питтин пурнăçĕ синкерлĕ вĕçленнĕ. Ĕç-пуçĕ вара акă мĕнлерех çаврăнса тухнă. Тăр кăнтăрла А. Филиппова пỹртĕнчен тĕтĕм йăсăрланма пуçланă. Кил хуçи çак вăхăтра килте те пулман-мĕн. Вĕсен умне çитнĕ арçын пушар машинисем киличчен сарăлса пыракан çулăма парăнтарма хăтланнă, анчах тăрăшни кăлăхах пулнă. Тĕтĕм-сĕрĕм ăшĕнче вăл чыхăнса вилнĕ. Надзор инспекторĕсем çирĕплетнĕ тăрăх, пăтăрмах телевизортан амаланса тухнă.

Источник: "Авангард" (газета Батыревского района)