25 мая 2013 г.
Юн кун район администрацийĕн пуçлăхĕ Николай Глухов предприяти, организаци, учрежденин ертỹçисемпе, ял тăрăхĕсен пуçлăхĕсемпе анлă лару ирттернĕ. Калаçу чăн малтанах "Ачасемшĕн, ачасен ячĕпе" марафон Юхмапа Пăла тăрăхĕнче мĕнлерех иртсе пыни пирки пынă. Кун пирки канашлăва пуçтарăннисене районти социаллă хỹтлĕх пайĕн начальникĕ Наталия Никитина тулли информаци панă. Ларура çанталăк шăрăх тăнă тапхăрта пушар тухасран сыхланас, кун пирки халăхпа, уйрăмах ачасемпе ятарлă калаçусем ирттерессине йĕркелес ыйтусене те çивĕчлетнĕ.
(Хамăр корр.).
Источник: "Авангард" (газета Батыревского района)