11 июня 2013 г.
Социаллă работниксем хăйсен професси уявне паллă турĕç. Çăмăлах мар специальноçа суйласа илнисем пирĕн районта та йышлăн. Вĕсем кирек хăçан та хỹтлĕх, патшалăх енчен пулăшу кирлĕ уйрăм çынсене, ватăсене, ачасене ырă кăмăлпа алă тăсса пама хатĕр. Вĕсен хуйхипе-суйхине, телей-савăнăçне те пĕрлех пайлаççĕ. Район администрацийĕн пуçлăхĕ Н. Глухов социаллă служба ĕçченĕсене уяв ячĕпе саламланă, пурне те ăнăçу, пысăк ăнланулăх, çитĕнỹ суннă.
Источник: "Авангард" (газета Батыревского района)