Публикации » Кĕçĕн Патăрьелсем савăнмаллипех савăннă

26 июня 2013 г.

ИРТНĔ вырсарни кун чылай поселенисенче ял уявĕсем иртрĕç. Кĕçĕн Патăрьелсем те хăйсен савăнăçне пайлама физкультурăпа спорт комплексне пуçтарăннă. Ял халăхĕ кунĕпех вылянă-кулнă, спорт ăмăртăвĕсенче тупăшнă, юрланă-ташланă... Каçхине каллех çак капăр та илемлĕ площадкăна тухнă. Ун чухне вара уява хапăл тунисем тĕп хуламăртан килнĕ сцена ăстисен пултарулăхне пăхса киленнĕ. Сергей Кувшинов артист ертсе пынă концерт никамăн кăмăлне каймасса та пултарайман. Юлашкинчен каçхи уяр тỹпенелле çĕкленекен салютăн тĕрлĕ тĕслĕ хĕлхемĕсем курма килнĕ каши çыннах пысăк савăнăç кỹнĕ.

Источник: "Авангард" (газета Батыревского района)