29 июня 2013 г.
ИЮНЬ уйăхĕнчи кунсем шăрăх çеç мар, питĕ шăрăх тăраççĕ. Хăш-пĕр кунсенче сывлăш температури хĕрĕх градус урлă каçнисем те пулчĕç. Çакнашкал çанталăкра кирек хăш вăхăтра та инкек сиксе тухма пултарать. Уйрăмах вут-кăвартан асăрхануллă пулмалла, пушар хăрушсăрлăх йĕркисене çирĕп пăхăнмалла, вырăнсенче ăна парăнтарма яланах хатĕр тăмалла. Хальхи вăхăтра пăчăран вăхăтлăха хăтăлас тĕллевпе кỹлĕсенче шыва кĕрсе уçăлакансем те йышлă. Çу кунĕсем унсăр иртмеççех. Ун пек чухне те питĕ тимлĕ пулмалла, тарăн вырăнсене ишме кĕрсе каймалла мар. Урăхла каласан, паянхи кун вутран шыв пек, шывран вут пек хăрамалла.
Источник: "Авангард" (газета Батыревского района)