03 июля 2013 г.
Районти çул-йĕр инспекторĕсем хăйсен професси уявне паллă тунă май хамăрăн ĕç-хĕле пĕтĕмлетесшĕн.
Кăçалхи çур çул иртнĕ çулхипе танлаштарсан лăпкă та канлĕ иртнĕ тесех хаклаймăн. Асăннă тапхăрта 19 авари пулнă, вĕсенче икĕ çыннăн пунăçĕ татăлнă, 26шĕ аманнă. Пăшăрхантараканни татах та пур. Аварисенчен тăватă тĕслĕхĕнче водительсем ỹсĕр пулнăран инкек сиксе тухнă. Руль умне ỹсĕр ларса теветкеленекенсенчен саккун çирĕп ыйтать пулин те, çав-çавах çак сăлтавпа пакунлисен аллине çакланакансем пур-ха.
Хăш-пĕр чухне çул çитмен ачасем аварине çакланни те пулать. Çулталăк пуçланнăранпа çакнашкал виçĕ инкек пулнă. Юрать-ха, пăтăрмах синкерлĕ вĕçленмен. Водительсен çул çинчи тимлĕхĕ çитменрен çуран пыракан çине кĕрсе кайнă виçĕ тĕслĕхе шута илнĕ. Телее, аваринче çын пурнăçĕ татăлман.
А. КАРГИНА, çул-йĕр инспекторĕ
Источник: "Авангард" (газета Батыревского района)