10 июля 2013 г.
Авитаминоз, анеми, сахăр диабечĕ, юн кайни аптратсан кунне 3 хут, апатчен çур сехет маларах, 1 чей кашăкĕ чухлĕ вĕлтĕрен сĕткенне 2 кашăк шывпа хутăштарса ĕçмелле.
Пỹрере е шăк хăмпинче чул пулсан кунне 2-3 хут, апатчен çур сехет маларах, шывпа хутăштарнă 2 кашăк вĕлтĕрен сĕткенĕ ĕçмелле. Кăкăр ĕмĕртекен амăшĕсен сĕчĕ çителĕксĕр пулсан кунне 2-3 хут, апатчен çур сехет маларах, шывпа хутăштарнă 2 чей кашăкĕ чухлĕ вĕлтĕрен сĕткенĕ ĕçмелле.
Чĕре ĕçне лайăхлатма кунне 2 хут, апат хыççăн 1 чей кашăкĕ пылпа 1-2 кашăк вĕлтĕрен сĕткенĕ ĕçмелле.
Тỹрленмен юхан суранран, трофика язвинчен сиенленнĕ вырăна вĕлтĕрен сĕткенĕпе йĕпетнĕ икĕ-виçĕ сийлĕ марля хурса бинтпа çирĕплетмелле. Çыхха кунне 2 хут улăштармалла.
Çỹç ан тăкăнтăр, лайăх ỹстĕр тесен эрнере пĕр хут, пуçа çунă хыççăн тин сăрăхтарса кăларнă вĕлтĕрен сĕткенĕпе пуç тирне сĕрмелле.
Асăрхаттарни: çие юлнă хĕрарăмсен, юнĕ питĕ хăвăрт çывăракансен, тромбофлебитпа аптракансен, нумаях пулмасть инсульт тата миокард инфарктне тỹссе ирттернисен вĕлтĕрен сĕткенĕпе асăрханса усă курмалла.
Источник: "Авангард" (газета Батыревского района)