20 июля 2013 г.
Малтанах вăл В.Семеновăн хресчен-фермер хуçалăхне çитнĕ, хăяра механизациленĕ майпа пуçтарнипе паллашнă.
Çак хуçалăх пахча çимĕç, çĕр улми çитĕнтерет. Ял хуçалăх теллевĕллĕ 252 гектар çĕр çинче 35 çын ĕçлет. Паянхи кун тĕлне 5 гектар çинчен ир çитĕнекен купăстана пухса кĕртнĕ - пĕтĕмпе 225 тонна.
Сăмах май, пĕлтĕр кунта пахча çимĕç, уйрăмах купăста питĕ ăнса пулнă. Уйрăм лаптăксенче - гектартан 1,5 пин центнер.
Хуçалăх пахча çимĕç, çĕр улми лаптăкĕсене çуллен пысăклатса пырать. Хусанти пасарта хăйĕн лавкки пур. Çитĕнтернĕ продукцие вырăнтах тирпейлеме тăрăшаççĕ. Çакă, паллах, пысăкрах тупăш илме май парать. Кăçал склад тунă, çак тĕллевпе Россельхозбанк кредичĕпе усă курнă. Кăçал кăна 18 млн ытла тенкĕлĕх тĕрлĕ техника туяннă. Чăннипех - тĕслĕх вырăнĕнче.
Источник: "Авангард" (газета Батыревского района)