07 августа 2013 г.
Анчах компьютерпа! "АВАНГАРД" хаçат редакцийĕн хевти хисеплĕ вулакансем тата материал çыракансем пулнипе те пысăк. Тепĕр чухне пирĕн пата кунне темиçешер çыру та кĕрет. Анчах пурте ĕлĕкхилле - алла ручка тытса çырнăскерсем.
Малашне вара авторсен чăвашла текстсене Arial Cyr Chuv, Arial 12 XP, вырăслисене Times New Roman шрифтсемпе компьютерпа наборласа çитермелле пулĕ. Чăн та, çĕнĕлĕх пĕр-ик кунтах вăя кĕреймĕ. Пичет ĕçĕнчи шур сухалсене çĕнĕлĕхе хăнăхма çăмăлах пулмĕ. Анчах ерипен ал çырăвĕсенчен хăтăлмах тивет. Ку тĕлĕшпе республикăри "Хыпар" çĕнĕ меслетпе ĕçлеме пикеннĕ те ĕнтĕ.
Источник: "Авангард" (газета Батыревского района)