10 августа 2013 г.
Пĕтĕм Раççейри халăх фрончĕн учредителĕсен съезчĕ пулнăранпа çак юхăм çĕр-шывĕпех сарăлчĕ. Унăн ертỹçи Владимир Путин халăх фрончĕ бюрократизм шурлăхĕнче путакан ыйтусене халăхпа канашласа татса парса, кашниех хăйĕн шухăшне уççăн пĕлтерсе, суйлавсенче çĕнтерес тĕллевпе хутшăнса ĕçлессе кĕтет. Хальхи вăхăтра "Халăх фрончĕ - Раççейшĕн" общество юхăмĕн Раççей регионĕсенчи уйрăмĕсене йĕркелеме учредительсен конференцийĕсем иртеççĕ.
Пирĕн республикăра вăл августăн 3-мĕшĕнче иртрĕ. Çак кун делегатсем общество юхăмĕн Чăваш Енри уйрăмне йĕркелессишĕн сасăларĕç, унăн Уставне сỹтсе яврĕç, штаб тата ревизи комиссийĕн йышне çирĕплетрĕç, ертỹçисемпе çумĕсене палăртрĕç.
Конференцире "Халăх фрончĕ- Раççейшĕн" общество юхăмĕн регионри уйрăмне туса хуни çинчен деклараци тата унăн манифестне йышăнчĕç. Фронтăн регион штабне 25 çын кĕчĕ.
Источник: "Авангард" (газета Батыревского района)