17 августа 2013 г.
Район халăхĕн пĕчĕкех мар пайĕ - тивĕçлĕ канăва тухнисем. Çулĕсем шултăраланас енне сулăннă хисеплĕ ватăсене пĕтĕçтерсе тăракан канаш час-часах çавра сĕтел тавра пуçтарăнса шур сухалсен проблемисене, пăшăрхантаракан ыйтăвĕсене пăхса тухма тăрăшать. Çак кунсенче Патăрьелĕнчи тĕп вулавăшра черетлĕ лару иртнĕ. Унта пенсионерсен ертỹçи Т. Полякова ертсе пынипе иккĕмĕш çур çулхи ĕç планне пăхса тухнă, сывă пурнăç йĕркине пăхăнмалли проектсене çỹтсе явнă.
Сăмах май каласан, çулланнă çынсенчен ырă тĕслĕх илмелли сахал мар. Вĕсем тăтăшах "Паттăр" ФСК-на сывлăха çирĕплетме çỹреççĕ, районта иртекен спорт мероприятийĕсене те хастар хутшăнаççĕ.
Источник: "Авангард" (газета Батыревского района)