Публикации » Чăваш чунлă ачасемех вĕренеççĕ

12 декабря 2012 г.

Патăрьелĕнчи пĕрремĕш вăтам шкула çÿрекен ачасем ытларах вырăсла хутшăнаççĕ, шухăшлаççĕ... Ку вăл тин çеç çуралнă пулăм мар. Апла пулин те кунта чăн чăваш чунлĕ ачасемех тăрăшаççĕ. Вĕренекенсем асаттепе асаннесен чĕлхине вырăс программипе шĕкĕлчеççĕ пулин те, ăна аванах алла илсе пыраççĕ. Çакна иртнĕ эрнере асăннă коллективра «Вырăс чĕлхеллĕ шкулта чăваш чĕлхипе литературине ытти предметсемпе çыхăнтарса вĕрентесси» ятпа йĕркеленĕ семинар та лайăх çирĕплетсе панă. Унта пурĕ районти 34 учитель хутшăннă. Чăваш чĕлхипе уçă урок ирттернĕ учительсен творчество пултарулăхне, ăсталăхне, маçтăрлăхне пысăк хак панă, шкулта ытти халăх ачисем те чăвашла лайăх калаçма пултарнине ырланă.