14 августа 2013 г.
Республика Пуçлăхĕн хушăвĕпе килĕшỹллĕн, физкультурăпа спорта аталантарас енĕпе хастар ĕçленĕшĕн тата республикăра физкультурăпа спорта йĕркелесе пыракан органсене туса хунăранпа 90 çитнĕ май, Патăрьелĕнчи ачасемпе çамрăксен "Паттăр" спорт шкулĕн директорне Алексей Егорович Краснова Тав тунă.
Вăл хăйĕн мĕн пур пурнăçне физкультурăпа спорта халалланă. Паян та йывăр лава тапсах туртать. Районта пурăнакансем тата ĕçтешĕсем Алексей Егоровича тепĕр сумлă наградăна тивĕçнĕ ятпа чун-чĕререн саламлаççĕ, çĕнĕ çитĕнỹсем тума ырлăх-сывлăх сунаççĕ.
(Хамăр корр.).
Источник: "Авангард" (газета Батыревского района)