24 августа 2013 г.
Право хуралĕн органĕсем Сĕнтĕрвăрри район администрацийĕн пуçлăхне Юрий Моисеева сĕтев илме пултарнă тесе шухăшласа тытса чарнă. Суд ун тĕлĕшпе килте хупса усрамалли йĕрке çирĕплетнĕ.
Раççей Следстви комитечĕн Чăваш Енри Следстви управленийĕн ертỹçин аслă пулăшуçи Олег Дмитриев пĕлтернĕ тăрăх - Юрий Моисеева РФ УК 290 статйин 6 пайĕнче палăртнă преступленишĕн (уйрăмах пысăк виçеллĕ сĕтев илнĕшĕн) айăплаççĕ. Муниципалитет чиновникĕн пĕлĕшĕ тĕлĕшпе те (вăл посредник ĕçне пурнăçланă тесе шухăшлаççĕ) уголовлă йĕрлев пуçланă.
О. ПЕТРОВА
Источник: "Авангард" (газета Батыревского района)