Публикации » Ыр кăмăллă шур сухал вулавăша ăш парне тунă

24 августа 2013 г.

 РАЙОНТИ тĕп библиотекăн кĕнеке çỹлĕкĕ çине çак кунсенче тепĕр вĕр çĕнни хутшăннă. Çĕньялта çуралса ỹснĕ 73 çулхи чăваш "Очерки истории электрификации Херсонской области" кĕнекине мĕн пур ăшă кăмăлтан вулавăша парнеленĕ. 1969 çултанпа М. Нестеров энергетик Украинăра никĕс ярса пурăннă. Çавăнпа та вăл кĕнекере çĕр-шывшăн йывăр вăхăтсенче кунти ялсенче çутă ыйтăвне мĕнле татса пыни пирки çырса кăтартать. Михаил Евгеньевичăн çакă пĕрремĕш кĕнеки мар. Историпе, тăван халăх культурипе, лингвистикăпа, классика кĕввипе кăсăкланакан хăйне евĕр автор пилĕк çул каяллах пĕрремĕш "чун апатне" вулакансене парнеленĕ. Унта вара вăл Нестеровсен йăх-несĕл тымарне тĕпченĕ.

Источник: "Авангард" (газета Батыревского района)