24 августа 2013 г.
Раççей Правительстви агропромышленность комплексне пулăшма федераци бюджетĕнчен субсиди уйăрассине çирĕплетнĕ. Пĕтĕмĕшле сумма - 28,6 млрд тенкĕ. Ỹсен-тăран çитĕнтернĕ е ун çимĕçне вырнаçтарнă тата тавар туса хатĕрленĕ чухнехи тăкаксен процент ставкине саплаштарма регионсене 19,2 млрд тенкĕ уйăрнă, выльăх-чĕрлĕх ĕрчетме вара - 4,1 млрд.
Ашлă выльăх-чĕрлĕхе аталантарма кăçал 2 млрд тенкĕ уйăрма палăртнă. Çак шутран 1,828 млрд тенкине регионсене çитернĕ.
Фермер ĕçне пурнăçлакансене - 2 млрд тенкĕ, çемье фермисене аталантарма 1,5 млрд тенкĕ уйăрнă.
Малтанах агропромышленность комплексне субсидилеме федераци бюджетĕнчен 137 млрд тенкĕ уйăрма палăртнă, каярахпа лимита тата 42 миллиардлăх ỹстернĕ.
Источник: "Авангард" (газета Батыревского района)