28 августа 2013 г.
ПАТĂРЬЕЛĔНЧИ Турă Амăшĕн Державнăй иконĕ ячĕллĕ чиркĕве туса пĕтерес тĕллевпе ĕç-пуçа çĕнĕрен пуçарни пирки хаçатра пĕрре мар хыпарларăмăр. Сăваплă та пархатарлă ĕçшĕн кар тăнă уйрăм хастарсемпе коллективсене пысăк ăнланушăн тав тумалли çеç юлать. Ун пек чухне ушкăнра çеç вăй пулни каламасăрах паллă.
Чун канăçлăхне тупма пулăшакан кĕлĕ çуртне туса пĕтерес ĕçе ыттисемпе пĕрлех тивĕçлĕ канăва тухнисем пая кĕни те кăмăллă. Çак кунсенче, акă, çур ĕмĕр "Авангард" хаçатпа çыхăну тытакан Патăрьелĕнчи А. Леонтьев пенсионер коммуналлă çăмăллăхсемшĕн паракан пĕр уйăх укçине ятарлă счет çине куçарнă. "Манăн ырă тĕслĕх ыттисемшĕн те вырăнлă та, усăллă та пултăр",- тенĕ вăл кăмăллăн.
Тивĕçлĕ канăва тухнисен пысăк "çарĕ" Александр Степанович çулĕпе кайсан, чиркỹ алăкĕ васкавлăрах та уçăлĕ.
Источник: "Авангард" (газета Батыревского района)