31 августа 2013 г.
Шкул ачисемшĕн хаваслă та шавлă çуллахи каникул вĕçленчĕ. Вырсарни кунтан черетлĕ вĕренỹ тапхăрĕ пуçланĕ. Çулсеренех çак вăхăтра районта çул-йĕр инспекторĕсем "Асăрханăр _ ачасем!" профилактика мероприятине йĕркелеççĕ. Хальхинче вăл августăн 27-мĕшĕнчен пуçласа сентябрĕн 7-мĕшĕччен пырĕ. Тĕллевĕ яланхиллех пĕрре _ ачасемпе пулакан инкексене чакарасси, водительсемпе çуран çỹрекенсене çул-йĕр культурине хăнăхтарасси. Аса илтеретпĕр: сакăр уйăхра республикăра çакнашкал 160 аварие шута илнĕ. Ку пĕлтĕрхи кăтартуран та пысăкрах.
Пирĕн районта та лăпкă мар. Çулталăк пуçланнăранпа çул-йĕр инкекĕсенче ултă ача аманнă. Юрать-ха, вăл синкерлĕ вĕçленмен.
Источник: "Авангард" (газета Батыревского района)