15 декабря 2012 г.
Чăваш республикинчи гидрометеорологи тата тăван тавралăх мониторингĕн центрĕ пĕлтернĕ тăрăх – раштав уйăхĕн 14-мĕшĕнчен пуçласа Чăваш Енре çанталăк хытах сивĕтет. Талăкри сывлăш температури климат норминчен 7 градус сивĕрех пулать.
Çавна май Раççей МЧСĕн Чăваш Республикинчи Тĕп управленийĕ синкерлĕ лару-тăру тухас, коммуналлă тытăмсенче, энерготытăм объекчĕсемпе линийĕсенче авари пулас хăрушлăх ÿснине палăртать. Халăх электричествопа тивĕçтерекен тытăмпа ытлашшипех усă курнăран, юсавсăр кăмакапа, газ тата электрохатĕрсемпе ăшăнас тенĕрен техноген пушарĕсен шучĕ ÿсме пултарать. Ку прогноза муниципалитет йĕркеленĕвĕсен пуçлă-хĕсем патне тата районсенчи дежурнăй-диспетчер службисене те çитернĕ. “Урамра вăрах вăхăт пулма ан тăрăшăр, ачăрсене куçран ан вĕçертĕр, вутпа асăрхануллă пулăр”, – сĕнеççĕ çынсене çăлавçăсем.
И. НИКОЛАЕВА.